相逢恨晚

去親食潮洲粉麵，一定唔會叫牛腩 ，因為驚唔够焾，又驚佢比埋啲頭頭尾尾，食得唔過癮，所以次次都例牌食牛肚穩陣啲。

今日去食嘉麗園，突然心血來潮想食牛腩，於是就叫咗碗牛腩河走青，阿姐問要幾錢架？原來而家牛肉價格上升，連老字號都受影響，所以牛腩有两個價錢：冰鲜嘅就$32，新鲜嘅就$40，我呢啲cheap精梗係要平架啦！

原來平嘢都有好架，雖然分唔到冰鲜同新鲜嘅分别，起碼望落去個樣都够嗮靚仔先啦！老字號果然係唔同啲，牛腩炆得够焾，焾得嚟又有咬感，好後悔而家先識得食.....